Пелистер и Воска Спорт остварија убедливи победи на стартот на пролетта во Втората лига, а и Гостивар тргна според планот со минимален триумф. Вардар „киксна“ играјќи само 1-1 против Арсими.
Пелистер го декласира Кожуф со 5-0, а Воска Спорт со 4-1 славеше против Караорман.
За „пелистерци“ двоен стрелец беше искусниот Борче Маневски, а погодија и Бојан Спиркоски, Благоја Љамчевски и Бурхан Мустафов.
Воска Спорт немаше проблеми против Караорман и славеше со 4-1. Фитон Адеми го отвори резултатот, вториот гол беше дело на Арлинд Алити, а потоа стрелаше и Ермедин Адем. Четвртиот гол за Воска го постигна Ардит Демири.
Вардар одигра само 1-1 против Арсими. Дарко Мицевски не успеа да реализира пенал во првиот дел. Тој во 29.минута шутираше неубедливо, па Ислами одбрани, а тоа можеби се покажа и клучно за понатамошниот тек од натпреварот. Еди Абдија во 33.минута донесе предност за Арсими, а израмни Десниќ во 70.минута.
До крајот, Жоглев имаше две шанси за триумф, но Арсими сепак однесе бод.
Гостивар со 1-0 славеше против Локомотива, а стрелец на победничкиот гол беше Ринор Ајдини.
Тетекс го победи Охрид со 2-0, Беласица славеше против Детонит со 2-1, а Слога Виница го декласира Борец со 4-0.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski