Втора лига Исток: Брегалница е фаворит, иако ќе биде домаќин во Кочани

Лидерот на табелата во Втората лига Исток, тимот на Брегалница, цврсто чекори кон пласман во елитата, а денеска (13 часот) ќе биде домаќин во Кочани. Ривал е составот на Росоман кој не треба да биде некоја посебна пречка за тимот на Марјан Секуловски.

Тиквеш многу заостанува зад Брегалница, но се надева дека преу бараж сепак ќе обезбеди учество во прволигашка конкуренција. Кавадаречкиот тим денеска е домаќин на Осогово.

Кит Го во интересен дуел го пречекува Кожуф, а Слога Виница ќе биде домаќин на Плачковица. Каменица Саса ќе игра против Победа.