Тиквеш и Беласица запишаа убедливи победи во 2. коло од Втората лига – Исток.
Во „прволигашкото дерби“ во Прилеп, Беласица повеќе од убедливо со 0-3 славеше против Победа.
Тиквеш, пак, пред своите навивачи во Кавадарци дојде до очекувана победа против Плачковица со 3-1 благодарение на головите на капитенот Ѓорѓи Мојсов во 34. минута и Марјан Ристовски во 70. минута и 83. минута.
Убедлив триумф запиша и Каменица Саса која со 4-1 триумфираше против Питу Гули.
Кит Го ремизираше (1-1) на домашен терен со гевгелиски Кожуф. Пехчевци до предност дојдоа со голот на Петар Најдов во 60. минута, но Никола Костадинов во 65. минута израмни за Кожуф.
ВТОРА ЛИГА – ИСТОК (2. КОЛО)
Каменица Саса – Питу Гули 4-1
Тиквеш – Плачковица 3-1
Кит Го – Кожуф 1-1
Победа – Беласица 0-3
Брегалница – Осогово 5-0
