Брегалница стигна до вториот триумф, откако славеше на гости со 0-2 против Новаци. Даноски во 21.минута и Глигоров во 61.минута беа стрелци на головите за штипскиот тим.
Победа на домашен терен го декласира Борец со 5-0. Давид Дебрешлиоски во 15. минута ја отвори серијата голови во Прилеп, Никола Талески во 32. од пенал и во 46. зголеми на 3-0, а потоа Павле Петров си постигна автогол во 55. минута. Во завршницата, Ивица Трајкоски постигна уште еден погодок во 88. минута.
Арсими во голеада стигна до победа на гостински терен против ГФК Охрид со 2-4. Албин Рамадани постигна хет-трик за гостите од Чегране.
Детонит Плачковица ја победи Каменица Саса на гости со 0-2.
Кожуф славеше со 1-3 на гости кај Вардарски, а Вардар Неготино и Беласица ремизираа 2-2.
Осогово и Скопје исто така поделија по еден бод, играјќи 1-1.
Утре се игра натпреварот меѓу Башкими и Македонија ЃП.
