Воска Спорт го доведе Ујкан Муча

Македонскиот второлигаш Воска Спорт доведе ново засилување. Охридскиот тим потпиша договор со 22-годишниот Ујкан Муча, кој доаѓа од редовите на Гостивар.

Ујкан Муча е производ на екипата на Кораб, додека како кадет беше префрлен во Академија Пандев каде помина две и пол години.

Играчот кратко време настапуваше и во младинската екипа на Шкендија, додека беше дел и од тренинг кампот на швајцарскиот клуб Цирих.