Македонскиот второлигаш Воска Спорт го претстави второто засилување за пролетниот дел од сезоната. Тоа е голманот Хадис Велии, кој во последните шест месеци настапуваше за Беса, а претходно беше на голот на Ренова, клубот кој оваа сезона го откажа учеството во елитата.
Воска Спорт претходно го доведе и Ермедин Адем, капитенот на Македонија ЃП, кој треба да помогне во обидот за пласман во елитата. Охридскиот тим се наоѓа на третото место на табелата и ќе води голема битка за Гостивар и со Вардар за пласман во Првата лига.
