Кога го има расположен Златан Ибрахимовиќ, тогаш за Милан нема пречки во Серија А. Калјари немаше сили да му одолее на шведскиот интернационалец кој имаше блескава вечер, постигна два гола, а имаше и магични додавања. Сега „росонерите“ повторно имаат три бода предност на врвот на табелата.
Во седмата минута Ибра погоди од пенал, а во вториот дел уште еднаш ја затресе мрежата. Милан во финишот играше со фудбалер помалку поради исклучувањето на Салемекерс, но Калјари немаше шанси да стигне до бод.
