Македонскиот репрезентативец Стефан Ристовски би можел од следната сезона да се пресели во Бундес-лигата. За него е заинтересиран германскиот бундеслигаш Волфсбург. Раководството на овој клуб отпочнало преговори за ангажман на Ристовски, а Спортинг Лисабон за него одреди отштета од 4 милиони евра.
Стефан Ристовски има актуелен договор со Спортинг Лисабон до јуни 2022 година, но и клаузула за продолжување на соработката за нови две сезони доколку и двете страни се задоволни од претходната активност.
Ристовски дојде во Спортинг Лисабон во 2017 година како позајмен играч од хрватскиот клуб Ријека, а потоа португалскиот гигант и комплетно го откупи неговиот договор.
