Германскиот бундеслигаш Волфсбург го отпушти хрватскиот стратег Нико Ковач.
Недостигот на континуитет, генерално лошите резултати и атмосферата создадена во тимот е причина за разделбата. Волфсбург загуби од Аугсбург, трет пораз во низа, по што следеше состанок и одлука на раководството на клубот да му даде отказ на Нико Ковач.
На негово место ќе дојде Ралф Хасенхитл. Поранешниот менаџер на Саутемптон не работи од ноември 2022 година и Волфсбург може да биде вистински предизвик за него.
„Волците“ во моментов се на 14. место во Бундес-лигата со 25 бода.
