Поранешниот македонски репрезентативец Влатко Грозданоски е в.д.селектор на репрезентацијата до 19 години. Тој ќе го предводи националниот тим на претстојните два пријателски натпревари против селекцијата на Босна и Херцеговина на 9. и на 11. март. Потоа веројатно ќе биде именуван нов селектор на оваа селекција.
Влатко Грозданоски останува асистент на Благоја Милевски во стручниот штаб на репрезентацијата до 21 година. Квалификациите на фудбалските надежи стартуваат во септември, но Милевски ќе замине со селекцијата на пријателски дуели во Анталија.
