Македонскиот репрезентативен голман Столе Димитриевски е клучна фигура за Валенсија во возбудливиот натпревар против Реал Мадрид на „Месталја“.
Тој успеа да го „маѓепса“ Џуд Белингам кој во 55. минута од пенал го погоди дирекот, а потоа и го испровоцира Винисиус Жуниор да добие црвен картон.
Натпреварот доби нова драма во 78. минута кога Бразилецот Винисиус Жуниор го удри Димитриевски без топка. По прегледување на ВАР-снимката, Винисиус заработи директен црвен картон, оставајќи го Реал Мадрид со играч помалку.
Иако Валенсија имаше предност, во 85. минута Лука Модриќ ја покажа својата класа и постигна израмнувачки гол.
