Македонскиот репрезентативец Столе Димитриевски е желба на шпанскиот прволигаш Вилјареал. Како што информираат медиумите во Шпанија, Вилјареал е подготвен да плати 8 милиони евра и да го доведе Димитриевски, откако Херонимо Рули е пред потпис со Ајакс.
Доколку трансферот на Рули се реализира, во Вилјареал би останал ветеранот Пепе Реина, а Столе Димитриевски би бил ангажиран како стартен голман на тимот.
Столе Димитриевски претходно беше цел и на Барселона и на Севилја, но сепак остана во Рајо Валјекано, каде брани одлично.
