Англискиот премиерлигаш Челси остана единствениот сериозно заинтересиран клуб за ангажман на нигерискиот напаѓач од Наполи, Виктор Осимен. Раководството на „наполитанците“ остана на цврстиот став дека секој заинтересиран клуб ќе мора да ја плати отштетната клаузула вредна 130 милиони евра, па поради тоа од трката се повлече Пари Сен Жермен.
Челси исто така не е расположен да го плати комплетниот трансфер, но би го довел Осимен на позајмица на „Стемфорд бриџ“ за 15 милиони евра, со опција за откуп на неговиот договор следното лето.
Во спротивен правец треба да замине и Ромелу Лукаку, кој тренира со Б-тимот на Челси и чека разврска за да се пресели во Наполи.
