Горан Пандев беше стрелец за Џенова на гостувањето против Аталанта, но погодокот на македонскиот репрезентативец беше недоволен за неговиот клуб да избегне пораз во Бергамо (2-1).
Домаќините во раната фаза од второто полувреме набрзина поведоа со 2-0, а Пандев влезе во игра во 50. минута на местото на Лерагер. Нашиот капитен во 89. минута одлично се снајде и ја затресе мрежата на Аталанта, но Џенова сепак претрпе нов пораз со кој уште повеќе се искомпликува битката за опстанок во самиот финиш од сезоната.
