Вест Хем официјално го објави потписот на играчот од средниот ред на Ајакс, Едсон Алварез. 25-годишниот Мексиканец пристигнува кај „чеканите“ за сума од 38 милиони евра, која со можни бонуси може да достигне 41 милион.
Алварез потпиша за Вест Хем во следните пет сезони, ќе го носи дресот со број „19“ и се очекува да го замени Деклан Рајс, кој беше продаден на Арсенал.
Алварез е во Ајакс од јули 2019 година. Во последната сезона тој постигна четири гола и забележа три асистенции на 44 натпревари за тимот.
