Вест Хем ја оствари десеттата победа во Премиер – лигата оваа сезона совладувајќи го Кристал Палас на гости со 2-3. „Чеканите“ имаат одличен прв дел кога постигнаа три гола, а домаќинот доцна се разбуди и во второто полувреме можеше само да го ублажи поразот.
Мајкл Антонио го отвори резултатот во 22.минута, а три минути подоцна Мануел Ланзини постигна прекрасен гол за 0-2. Пред одморот ланзини погоди и од пенал.
Кристал Палас живна малку во второто полувреме, Едуард и Олисе во финишот постигнаа два гола, но, сепак, триумфот му припадна на Вест Хем.
