На последниот тест натпревар пред стартот на пролетната сезона, Вардар во 120-минутен дуел загуби убедливо со 6-1 од Академија Пандев во Струмица.
Шефот на стручниот штаб Александар Васоски никако не може да биде задоволен од изданието на фудбалерите на овој контролен натпревар.
„Загубивме убедливо во два натпревари по 60 минути, во кои одигравме со различни состави. Нормално дека не сум задоволен од мојата екипа ниту во првите, ниту во вторите 60 минути. Одигравме многу лошо, одигравме без залагање, без идеја. Вака не се носи дресот на Вардар. Ова ни беше последен натпревар пред почетокот на првенството, и јас се надевам и искрено посакувам овој меч да ни послужи како еден вид лекција, и се надевам дека нема да ги повторуваме истите грешки во првенствените натпревари“ – рече Васоски по завршувањето на мечот со Академија Пандев во Струмица.
