Александар Васоски издржа храбро, и порај сите турбуленции и финансиското мачење во најтрофејниот клуб. По триумфот над Беласица (0-3) тој истакна дека ја завршува одисејата во Вардар, го остава на петтата позиција што е мини – подвиг со оглед на околностите, но апелира и да не се остави најсветото да згасне.
„Почитувани спортски пријатели, навивачи на Вардар, почитувана спортска јавност. Сакам во името на стручниот штаб да ви се заблагодарам за поддршката која му ја дававте на Вардар во овој тежок период за клубот.
Почитувани вардарови фудбалери, вашите имиња треба да се впишат со златни букви во историјата на овој клуб, затоа што не дозволивте клубот да доживее црно сценарио.
Што се однесува до мене, јас ветив дека до декември ќе останам, но немам веќе сили да се борам. Затоа од денеска официјално не сум тренер на Вардар. Благодарност до „Комитите“ и сите поддржувачи на Вардар и мој апел до надлежните да не се дозволи најсветото нешто во македонскиот фудбал да згасне“, се вели во реакцијата на Васоски.
