Англискиот премиерлигаш Лестер се соочува со голем проблем поради отсуството на искусниот напаѓач Џејми Варди. Иако првично беше соопштено дека голгетерот ќе паузира до крајот на јануари, сепак, утврдено е дека повредата е многу посериозна и тој би можел да се врати на терените дури на почетокот на март. Ова значи дека и февруари ќе го мине во рехабилитациски процес.
Варди ја повреди тетивата на мечот од Лига-купот против Ливерпул, а незаздравен играше и на првенствениот натпревар против „црвените“. Тоа го чинеше многу посериозна повреда поради која сега ќе мора да паузира околу два месеци.
