Нови главоболки за ФК Вардар. ФИФА ќе му забрани трансфери во наредните два преодни рока, поради случајот со Максим Максимов. Рускиот интернационалец кој дојде од Тракаи стана случај за ФИФА, а канцеларијата на Светската фудбалска организација пресуди во корист на литванскиот клуб. Вардар ќе добие и дополнителна парична казна.
Вардар уверуваше дека за неговиот трансфер е платена отштета од 50.000 евра, но на крајот ФИФА сепак пресуди во корист на Тракаи. Фудбалерот Максим Максимов е казнет со четиримесечна суспензија и парична казна, додека Вардар исто така ќе добие финансиска казна, но и забрана за трансфери во наредните две преодни рока.
„Мислам дека не е само наше постигнување, туку на сите мали клубови кои се мачат за да обезбедат приходи за фудбалски опстанок. Сакам да потенцирам дека ние неколкупати реагиравме до Вардар, но немаше никаков одговор“, изјави Виртуантас Лемежис, директорот во ФИФА надлежен за вакви меѓуклупски несогласувања.
