Најтрофејниот македонски клуб Вардар доведе уште едно ново име во ростерот за претстојната сезона. Нов играч на „црвено-црните“ е талентираниот играч за врска Иван Николов. Досегашниот фудбалер на Академија Пандев и репрезентативец во селекцијата до 19 години потпиша договор со Вардар и треба да биде големо засилување во средниот ред.
Вардар за првпат оваа сезона е дел од Втората лига Запад, а в сабота го очекува дуел со Воска Спорт на стадионот „Борис Трајковски“ во Маџари.
