Поранешниот холандски репрезентативен напаѓач Робин ван Перси би можел да го преземе Херенвен, пренесува „De Telegraaf“. Според изворот, 40-годишниот стратег, кој моментно раководи со тимот до 19 години на Феенорд, веќе разговарал со извршниот директор на Херенвен, Фери де Хан.
Досега Ван Перси има стекнато тренерско искуство само на чело на младинските тимови на Феенорд.
Херенвен е на 11. место во поредокот на холандскиот шампионат со 33 бода. Клубот нема победа во пет последовни натпревари во Ередивизие.
