Ливерпул не успеа да победи во дербито од 17. коло на Премиер – лигата против Манчестер Јунајтед и го предаде првото место на табелата на Арсенал, кој го доби својот натпревар против Брајтон. Дефанзивецот Вирџил ван Дајк го изрази своето разочарување по средбата со „црвените ѓаволи“.
„Ќе продолжиме понатаму, но овој резултат е разочарувачки бидејќи бевме подобри во сите аспекти. Тие се задоволни со бод, а ние сме разочарани затоа што освоивме само бод. Очигледно противникот не е во најдобра ситуација, но моравме да победиме на овој натпревар. Мораме да учиме од одредени ситуации и знам дека ќе научиме. Минатата сезона немавме добро чувство пред натпреварот со Манчестер Јунајтед, но го добивме тој натпревар убедливо, но сега е нова сезона и тоа не се брои“, изјави Ван Дајк по натпреварот.
Арсенал е лидер на табелата во Премиер-лигата со 39 бода, а потоа следуваат Ливерпул и Астон Вила кои досега освоија по 38 бода.
