Федерико Валверде се огласи за најавите дека Челси сака да го доведе на „Стемфорд бриџ“.
„Не, не. Играм за Реал Мадрид, се трудам да уживам во секој момент и да оставам трага во најдобриот клуб во светот. Сакам да продолжам да освојувам титули за навивачите на Реал“, изјави 24-годишниот Уругваец за аргентинската „ЕСПН“.
Валверде веќе е еден од најважните играчи на мадридскиот тим, а неговата улога дополнително ќе добива на значење.
Минатата сезона постигна 12 гола за „кралскиот клуб“, а неговиот договор со Реал е до летото 2027 година.
