Унгарските хулигани со скандалозни расистички навреди кон Англичаните (ФОТО+ВИДЕО)

Англиската фудбалска репрезентација синоќа во Будимпешта ја победи Унгарија со 0-4 и ја забележа четвртата победа во исто толку натпревари во квалификациите за СП. Но, скандалозно беше однесувањето на унгарските навивачи кои расистички ги навредуваа англиските фудбалери. ФИФА веднаш поведе истрага.

Унгарците се држеа до 55. минута, а потоа примија три гола за 14 минути. Прв погоди Рахим Стерлинг, осум минути подоцна Хари Кејн, Хари Мегваер зголеми на 0-3 во 69. минута, а конечниот резултат го постави Деклан Рајс на три минути пред крајот.

Како што се стравуваше пред натпреварот, натпреварот не помина без срамно однесување на некои унгарски навивачи.

Унгарците прво го проследија клекнувањето на англиските репрезентативци пред натпреварот со гласни свирежи, а потоа започнаа со расистички навреди кон Стерлинг. Чаши летаа кон англискиот напаѓач, но тоа не му пречеше на Стерлинг, па осум минути подоцна тој му асистираше на Кејн за вториот гол.

Скандалозното однесување на унгарските навивачи продолжи до крајот на натпреварот, а по третиот гол на Англија, факели полетаа кон играчите и, за среќа, не погодија никого.

Канонадата на чаши продолжи и откако Деклан Рајс го постигна четвртиот гол, а играчот од средниот ред Вест Хем и Џек Грилиш брилијантно реагираа на провокациите. Ги зедоа чашите и го испија она што остана пред нив.

Англискиот капитен Хари Кејн ги повика ФИФА и УЕФА по натпреварот да реагираат поостро кон Унгарија.
Да потсетиме, УЕФА ја казни Фудбалската федерација на Унгарија со два натпревари пред празни трибини и еден условен меч по расистичките испади на нивните навивачи на натпреварите на Европското првенство одиграни во Будимпешта. Но, бидејќи ЕВРО е натпреварување на УЕФА, а квалификациите за СП ги организира ФИФА, синоќа на арената „Ференц Пушкаш“ имаше 67.000 навивачи.