Група ултраси на Јувентус решија да го исмеваат напаѓачот на Челси, Ромелу Лукаку, кој се поврзува со можна преселба кај „бјанконерите“.
Навивачи пред стадионот појавија транспарент на кој пишуваше:
„Лукаку, остани во Милано. Веќе имаме втор голман“.
Како коментар на нивната фотографија на Инстаграм тие додадоа: „Не забораваме што се случи. Никогаш нема да бидеш добредојден овде, Лукаку!!!“
Поводот за ваквата порака на транспарентот е важната ситуација од финалето на Лигата на шампионите меѓу Манчестер Сити и Интер. Тогаш Белгиецот несакајќи го запре ударот на неговиот соиграч Федерико Димарко, кој можеше да се претвори во израмнување за „нероаѕурите“. На крајот Интер го загуби натпреварот со 0-1.
