Украина и Англија се силни, но и македонските репрезентативци се супер мотивирани (ФОТО)

Фудбалската репрезентација на Македонија го означи официјалниот старт на подготовките за квалификациските натпревари против Украина и против Англија во овој јунски прозорец. Најголем дел од адутите на селекторот Благоја Милевски веќе пристигнаа во Скопје и беа присутни на денешниот тренинг. Останува да се приклучат уште Аријан Адеми, Езгјан Алиоски и Дени Илиев.

Атмосферата е одлична, поголемиот дел од фудбалерите тренираат веќе неколку денови, а сега фокусот полека ќе се насочува кон дуелот против Украина в петок.