УЕФА одлучи фудбалерите кои биле заразени со коронавирус или се целосно вакцинирани против оваа болест, повеќе не мора да прават редовни тестови на Ковид-19 пред натпреварите.
Оваа одлука во голема мера ќе им олесни на фудбалерите и на клубовите, со оглед на долгите и компликувани процедури за тестирање.
Со оглед дека има голем број фудбалери кои го надминаа коронавирусот, како и вакцинирани, ова дефинитивно ќе ја олесни работата на медицинските тимови. Прашање е како ова ќе се применува и во Македонија, со оглед дека сепак треба да биде аминувано и од здравствените власти во секоја држава.
