Македонскиот фудбалски репрезентативец Аријан Адеми не е меѓу четворицата фудбалери кои имаат позитивни тестови на Covid-19: Ова е убава вест за селекторот Игор Ангеловски и целата спортска јавност во државата во пресрет на историскиот финален меч против Грузија за пласман на Европското првенство што ќе се одигра во Тбилиси на 12 ноември.
Динамо Загреб е ново жариште на коронавирусот откако четворица фудбалери се позитивни во пресрет на утрешниот меч против Волфсбергер во Лигата на Европа. Претходно и тренерот Зоран Мамиќ пријави дека е заболен од Covid-19. За среќа, капитенот на Динамо Загреб, Аријан Адеми, е здрав и подготвен за игра.
