Македонскиот првак Струга Трим Лум го победи Тиквеш со 3-1 во последниот меч од 6.коло во Првата фудбалска лига. Марјан Радески во 15.минута постигна гол „а ла Ибрахимовиќ“, откако зафати волеј од пеналтикот.
Шест минути подоцна Бесарт Ибраими од пенал зголеми на 2-0, а во 31.минута искусниот стрелец постигна уште еден погодок за убедлива предност.
Џемал Ибиши во 37.минута намали на 3-1. Потоа Тиквеш остана без Александар Вареловски, а во вториот дел и Струга ТЛ без Едис Малиќи.
Во 63.минута, Столе Димовски му одбрани пенал на Бесарт Ибраими и го спречи во намерата да стигне до хет-трик.
