Челси одигра само 1-1 против Брајтон на „Стемфорд Бриџ“ и полека ја губи трката за врвот на табелата со Манчестер Сити. Лондонскиот клуб сега има негатива од осум бода.
Челси имаше три бода в џеб до самиот финиш кога Дани Велбек погоди зa израмнување во 91. минута.
Менаџерот Томас Тухел вели дека ремито не е фер резултат, а требало да биде досуден пенал за неговиот тим.
„Секако дека ремито не е фер резултат. Бевме подобри, имавме повеќе шанси и не ни беше досуден чист пенал. Ова делува фрустрирачки на тимот. Ако судијата не сака да даде чист пенал, тогаш веројатно сè е против нас“, изјави Тухел.
