Напаѓачот од Брегот на Слоновата Коска, Емануел Лате Лат, ќе стане нов играч на Црвена Звезда. Според сознанијата на српски „Спортал“, по долги преговори црвено-белиот тим ја завршил зделката со 24-годишниот напаѓач и неговиот сегашен италијански клуб Аталанта.
Трансферот на Лате Лат ќе биде најскапиот во историјата на српскиот фудбал бидејќи Црвена Звезда за него ќе издвои 3,5 милиони евра.
Претходно најголем трансфер на „црвено-белите“ беше доведувањето на Осман Букари минатото лето од белгиски Гент за половина милион помалку.
Лате Лат минатата сезона ја мина на позајмица во швајцарскиот Сент Гален и на 34 натпревари постигна 16 гола и имаше четири асистенции.
