Српскиот клуб Црвена звезда на првиот меч на домашен терен во вториот дел од сезоната, против Војводина, ќе му оддаде почит на Синиша Михајловиќ, кој ја загуби битката со леукемијата кон крајот на минатата година.
Легендарниот фудбалер во минатото го носеше дресот на двата клуба, и на Црвена Звезда и на Војводина.
Од таборот на Црвена Звезда најавуваат дека во скоро време ќе биде донесена одлука ВИП делот на западната трибина да го добие името на Синиша Михајловиќ. Со тоа вечно ќе има спомен за фудбалерот кој освои европска и светска титула со „црвено-белите“.
