Македонскиот репрезентативец Иван Тричковски синоќа и официјално го доби признанието за најдобар фудбалер на кипарскиот шампионат за сезоната 2018/2019.
Македонскиот ас беше предводник на тимот на АЕК Ларнака во изминатите десетина месеци, за што сосема заслужено собра најмногу гласови од сите тренери во кипарскиот шампионат. Тричковски беше ѕвезда на вечерта на гала-вечерата организирана од Кипарската Фудбалска Федерација, на која Македонецот и официјално го прими МВП-признанието.
„За мене претставува огромна чест едно вакво признание во првенство кое навистина изобилува со одлични фудбалери. Ова признание е секако обврска повеќе и за се што и натаму следи за мене во кипарскиот шампионат. Им благодарам на соиграчите и на целиот тим, како и навивачите на АЕК Ларнака, за максималната поддршка во текот на целата сезона. Ова е признание и за целиот тим“ – изјави Тричковски на официјалната свеченост.
