Македонскиот интернационалец Иван Тричковски голгетерски го почна новиот шампионат на Кипар. Тој беше стрелец на погодок во триумфот (1-2) на АЕК Ларнака на гостувањето против Неа Саламина.
Иван Тричковски ја погоди мрежата на Неа Саламина во 38.минута и донесе предност за АЕК Ларнака. Вагнер израмни во 62.минута, а Абрахам шест минути подоцна постигна победнички гол за АЕК Ларнака.
Иван Тричковски, Стефан Спировски и Даниел Мојсов беа во стартниот состав на кипарскиот тим.
