Дефанзивецот на Ливерпул, Трент Александер-Арнолд, е во вистински шок. Англискиот репрезентативец вчера доживеал сериозна сообраќајна несреќа од која за чудо се спаси и излезе неповреден.
Џипот со кој управувал Александар-Арнолд удрил во автомобилот пред него, кој бил згмечен од пад на електричен столб од 12 метри покрај патот. Само брзата реакција на фудбалерот помогнала да не се случи нешто многу посериозно, пишуваат во Англија.
Бурата Бабет продолжува да прави хаос на Островот, каде веќе се мртви три лица.
„Ветерот беше толку силен што наеднаш го скрши столбот. Беше навистина застрашувачко. Чудо е што никој не е повреден. Во оваа ситуација некој можеше да биде убиен“, изјави сведок на инцидентот.
