Селекторот Игор Ангеловски од денеска ги има на располагање сите фудбалери на кои ќе смета за претстојниот двомеч со Австрија и со Израел, откако на националниот тим му се приклучија играчите кои не беа во можност да тренираат во текот на вчерашниот ден.
Горан Пандев ги предводеше „црвено-жолтите“ на денешниот тренинг, a заедно со капитенот на репрезентативците им се приклучија и Барди, Несторовски и Димитриевски.
Кормиларот Ангеловски поради повреди и суспензии нема да може да смета на неколку првотимци, но потенцираше дека очекува добра игра и резултати на последните две средби од квалификациите, како вовед за клучниот бараж за ЕВРО 2020 против селекцијата на Косово.
