МАКФУДБАЛ во Порто,
Македонија не успеа да го исполни сонот за пласман на Светското првенство. Мора да се признае дека Португалија беше подобра, а Бруно Фернандеш стави крај на нашите надежи. Сепак, едно е кристално јасно, фудбалерите го дадоа максимумот и го направија горд секој еден Македонец.
Стрелецот од Палермо, Александар Трајковски, вели дека чекор по чекор, посилни за ова искуство Македонија ќе се развие во уште една посилна селекција.
„Бевме блиску до нешто големо, сакавме да победиме, дадовме се од себе, но тоа не беше доволно. Ние сме сигурни дека сме одлична група, тим која се бори за единствена цел. Чекор по чекор ќе станеме уште посилни од порано, секогаш трудејќи се да бидеме подоби. Горди на овој тим! Напред, Македонија засекогаш!“, истакна Трајковски.
