Поранешниот капитен на Работнички, Душко Трајчевски, ја продолжува својата интернационална кариера на Кипар иако неговиот довчерашен клуб Алки испадна од елитното друштво на оваа земја.
Трајчевски беше еден од најдобрите во таборот на Алки минатата сезона, на негова адреса во изминатиот период пристигнаа неколку понуди, а тој ја избра токму онаа на Докса, поради желбата да остане на Кипар. Станува збор за екипа што ја заврши ланската сезона на деветтата позиција во кипарскиот шампионат, но во новата сезона влегува со нешто поголеми амбиции.
