Тотенхем оствари триумф (3-1) против Нотингем Форест на домашен терен и успеа да стигне до Топ 4 во Премиер-лигата. Лондонскиот тим ја прескокна Астон Вила која исто така има 60 бода, но послаба гол-разлика.
Мурилјо си постигна автогол за водство на Тотенхем во 15.минута, а израмни Крис Вуд во 27.минута.
Во вториот дел, Мики ван де Вен во 52.минута повторно обезбеди предност за Тотенхем, а триумфот го потврди Педро Поро само шест минути подоцна.
Шефилд Јунајтед и Челси ремизираа 2-2. Домаќинот во 93.минута стигна до реми со голот на Оливер Мекбарни.
