Ливерпул не успеа да ја продолжи победничката низа. На „Енфилд“ дојде Тотенхем и успеа да освои бод играјќи 1-1. Ова многу ќе го чини тимот на Јирген Клоп во трката за шампионската титула. Сега „црвените“ се првопласирани на табелата, но само поради еден гол повеќе од Манчестер Сити, со идентични 83 бода, а „граѓаните“ имаа еден меч помалку.
Ливерпул затаи во нападот, не блескаа Салах и Мане, а Хјонг – Мин Сон искористи еден противнапад и асистенцијата на Сесењон за да донесе водство во 56.минута.
Луис Дијаз израмни во 74.минута, но до крајот Ливерпул не успеа да стигне до победа.
