Тотенхем го интензивира интересот за ангажирање на тренерот Рубен Аморим, кој моментно е на кормилото на Спортинг Лисабон, пренесува весникот „Рекорд“. Раководството на Тотенхем успеа да ги одржи првите преговори со 38-годишниот Португалец, кој сака да се пресели во клубот од северен Лондон.
Рајан Мејсон останува привремен менаџер на Тотенхем пред натпреварот од 35. коло во Премиер – лигата на домашен терен против Кристал Палас во сабота.
Лондончани, кои се шести на табелата со 54 бодови, ги предводеше Антонио Конте, но Италијанецот замина од менаџерската функција во април.
