Англискиот премиерлигаш Тотенхем го смени привремениот менаџер Кристијан Стелини и именуваше нов тренер кој ќе ја врши функцијата до крајот на сезоната. Тоа е Рајан Мејсон.
Сопственикот на Тотенхем, Даниел Леви, даде изјава по дебаклот од Њукасл (6-1). Тој им се извини на навивачите и го отпушти привремениот тренер Кристијан Стелини.
„Неделниот натпревар против Њукасл беше целосно неприфатлив. Кристијан ќе ја напушти функцијата. Тој влезе во тежок момент и му благодарам за неговата професионалност. Му посакувам сѐ најдобро. Рајан Мејсон ќе ја преземе функцијата главен тренер. Тој добро го познава клубот и играчите“, изјави Даниел Леви.
