Англискиот премиерлигаш Тотенхем бара стопер и одлули да го ангажира Кристијан Ромеро. Аргентинец докажа дека е голем талент играјќи за Аталанта и за Џенова во претходните две сезони, а се уште е на позајмица во Бергамо.
Сепак, Аталанта е клубот што се прашува за него бидејќи прашање на време е кога ќе го откупат неговиот договор од Јувентус. Тотенхем се врати со посилна понуда од порано и подготвен е да плати 50 милиони евра.
Италијанските медиуми посочија дека Ромеро сака да оди во Тотенхем и дека се надева дека трансферот ќе биде завршен пред понеделник.
