Тотенхем одигра фантастичен натпревар на гости против Астон Вила и славеше со 0-4. Тоа е голем чекор за тимот на Анге Постекоглу во трката за четвртото место кое во моментот го чува Астон Вила.
По првиот дел немаше голови, но Астон Вила тотално потфрли во второто полувреме. Тотенхем поведе со голот на Џејмс Медисон во 50.минута, а само три минути подоцна Бренан Џонсон зголеми на 0-2.
Третиот и четвртиот гол беа постигнати во судиското продолжение, а стрелаа Хјонг – Мин Сон и Тимо Вернер.
