Францускиот првак Пари Сен Жермен има големи амбиции во Лигата на шампионите. Секоја сезона се сопнува и не успева да стигне до трофејот кој е огромна желба на сопственикот Насер Ал – Келаифи. И тука со него нема компромис. Затоа, тренерот Томас Тухел има десетина дена да си ја спаси работата и да остане барем до крајот на сезоната на „Паркот на принцовите“.
ПСЖ „виси“ во групата Х од Лигата на шампионите. Има само три бода по првите три кола и порази од конкурентите кои се пред него на табелата, Манчестер Јунајтед и Лајпциг. Вечерва „светците“ го пречекуваат Лајпциг и ако не победат, ќе биде тоа почеток на крајот на Тухел на кормилото на Пари Сен Жермен.
Ќе преостанат уште две кола, групната фаза завршува на 6.декември и доколку ПСЖ не успее да се пласира во нокаут фазата од елитното европско натпреварување, тогаш отказот за Томас Тухел ќе биде речиси загарантиран.
