Тимо Вернер е се поблиску до враќање во Лајпциг, тврди „Скај Германија“, наведувајќи дека преговорите забрзано напредувале во последните денови. Напаѓачот на Челси, кој се мачеше на „Стемфорд бриџ“, не се запиша во листата на стрелците на саботниот натпревар со Евертон.
Германецот сака да се врати во Бундес – лигата за да ја добие потребната минутажа и да заработи место во националниот тим за Светското првенство во Катар.
За Вернер беше заинтересиран и Јувентус, но 26-годишниот фудбалер сака да се врати во Лајпциг. Останува да видиме дали ќе замине на позајмица со обврска за купување на крајот од сезоната или веднаш ќе биде откупен.
