Македонскиот второлигаш Тиквеш го објави ангажманот на младиот дефанзивец Стефан Костов. Тој е најновото засилување на ГФК Тиквеш 1930 во пресрет на вториот дел од сезоната во Втората лига Исток.
Костов досега ги бранеше боите на Академија Пандев и треба да биде големо засилување за кавадарчани на стоперските позиции.
Претходно, Тиквеш како свои нови засилувања ги промовираше и Филип Костовски и Едиз Спахиу.
Денеска Тиквеш одигра пријателски натпревар со Вардар Неготино и победи со 4-1. Два гола постигна Симеон Христов, по еднаш стрелаа Едиз Спахиу и Петар Љамчевски.
