Челси ја оствари четвртата победа во Премиер – лигата откако во лондонското дерби го совлада Тотенхем на гости со 0-3. Тимот на Томас Тухел во чекор го следи Манчестер Јунајтед на врвот.
Тијаго Силва во 49.минута со удар со глава ја проби одбраната на Тотенхем, а осум минути подоцна во листата на стрелците се запиша и Нголо Канте. Во финишот, и Антонио Рудигер погоди за конечни 0-3.
Овојпат Лукаку не беше човек на одлука, но се најдоа други стрелци во тимот на Челси.
