Македонскиот второлигаш Тетекс ја заокружи првата фаза од подготовките во Тетово и од денеска се пресели на охридското крајбрежје. Во наредните седум дена, тимот ќе продолжи со последната фаза од подготовките пред да започне новото првенство.
Главен акцент сега ќе биде ставен на одигрување пријателски натпревари и воигрување на тимот. Тетекс ќе одигра три тест – меча, утре против Струга Трим Лум, задутре со Гостивар, а на 8 август со Воска Спорт.
